А Серия бўйича инсайдер Николо Скира маълумотига кўра, «Рома» ва «Наполи» «Фрозиноне» вингери Гиорги Квернадзенинг ўйинларини кузатиб бормоқда. Клублар келажакда уни трансфер қилиш имкониятини кўриб чиқмоқда.
23 ёшли грузиялик вингер «Фрозиноне» сафида мавсумни жуда яхши бошлаб, қисқа вақт ичида А Сериянинг асосий кашфиётларидан бирига айланди.
Квернадзе барча мусобақалар доирасида олтита ўйинда бешта гол урди ва иккита голли узатмани амалга оширди. У А Серияда кетма-кет учта учрашувда — «Венеция», «Женоа» ва «Комо»га қарши баҳсларда гол урди.
Шунингдек, Квернадзе дриблинг ва тўпни олдинга олиб чиқиш бўйича ҳам яхши кўрсаткичларга эга.
Футболчининг «Фрозиноне» билан амалдаги шартномаси 2028 йил июнь ойида якунига етади.
