«Бавария» ярим ҳимоячиси Жамал Мусиалада кузатилган абсанс хуружларини назорат остига олишга муваффақ бўлинди.
Sport Bild маълумотига кўра, август ойида 23 ёшли футболчи кетма-кет икки ўйинда ўзини ёмон ҳис қилган. Унга тиббий ёрдам кўрсатилиб, майдондан алмаштирилган эди.
Кейинроқ Мусиала унда неврологик дисфункция туфайли юзага келадиган қисқа муддатли ва даволаш мумкин бўлган абсанс хуружлари аниқланганини маълум қилган.
Манбага кўра, дори воситалари билан даволаш тартибига киритилган ўзгаришлар кутилган натижани берган.
Ҳозир Мусиала машғулотларда тўлиқ юклама билан ишламоқда ва унга алоҳида муносабат талаб қилинмаяпти. Шунингдек, ушбу ҳолат сабаб футболчи учун махсус қўшимча машғулотлар ҳам белгиланмаган.
Германия миллий жамоасига чақирув олган Мусиала учун айни пайтда энг муҳими одатий кун тартиби ва машғулот режимига риоя қилиш ҳисобланади.
