«Bavariya» yarim himoyachisi Jamal Musialada kuzatilgan absans xurujlarini nazorat ostiga olishga muvaffaq bo‘lindi.

Sport Bild ma’lumotiga ko‘ra, avgust oyida 23 yoshli futbolchi ketma-ket ikki o‘yinda o‘zini yomon his qilgan. Unga tibbiy yordam ko‘rsatilib, maydondan almashtirilgan edi.

Keyinroq Musiala unda nevrologik disfunksiya tufayli yuzaga keladigan qisqa muddatli va davolash mumkin bo‘lgan absans xurujlari aniqlanganini ma’lum qilgan.

Manbaga ko‘ra, dori vositalari bilan davolash tartibiga kiritilgan o‘zgarishlar kutilgan natijani bergan.

Hozir Musiala mashg‘ulotlarda to‘liq yuklama bilan ishlamoqda va unga alohida munosabat talab qilinmayapti. Shuningdek, ushbu holat sabab futbolchi uchun maxsus qo‘shimcha mashg‘ulotlar ham belgilanmagan.

Germaniya milliy jamoasiga chaqiruv olgan Musiala uchun ayni paytda eng muhimi odatiy kun tartibi va mashg‘ulot rejimiga rioya qilish hisoblanadi.