«Боруссия» ва «Бавария»нинг 32 ёшли собиқ ҳимоячиси Рафаэль Геррейруга «Рома» қизиқиш билдирмоқда. Бу ҳақда TUTTOmercatoWEB хабар бермоқда.
Манба маълумотларига кўра, Италиянинг «Рома» клуби ҳозирда эркин агент бўлиб турган португалиялик футболчини таклиф қилишдан манфаатдор. Футболчини ўз жамоасида кўришни римликлар бош мураббийи Жан Пьеро Гасперини шахсан хоҳламоқда. Шунингдек, Геррейруга Грециянинг «Олимпиакос» клуби томонидан ҳам қизиқиш мавжуд.
Геррейру 2023 йилдан 2026 йилгача «Бавария» шарафини ҳимоя қилган. Ўтган мавсумда ҳимоячи барча турнирларни инобатга олган ҳолда 29 та ўйинда майдонга тушиб, рақиблар дарвозасини 6 маротаба ишғол қилган ва ўз ҳисобига 3 та голли узатмани ёзиб қўйган.
