«Барселона» ва Испания терма жамоаси вингери Ламин Ямал ўтган йили «Олтин тўп» учун овоз беришда иккинчи ўринни эгаллаганидан ҳафсаласи пир бўлмаганини айтди.

– Бир йил олдин сиз 18 ёшингизда «Олтин тўп» овоз бериш жараёнида иккинчи ўринни эгалладиларингиз ва бу ёш бўйича янги рекорд бўлди. Ўша кеча қандай ўтди?

– Ўша кеча жуда алоҳида бўлди. 18 ёшида «Олтин тўп» топшириш маросимига ғалаба қозониш имконияти бор деб ўйлаб борадиганлар кам. Бу менинг иккинчи маросимим эди ва у ерда бўлиш, Усмон [Дембеле]ни ортда қолдириш имкониятига эга бўлишнинг ўзи мен учун орзу эди. Якунда Усмон ғалаба қозонди, лекин мен буни тўғри қабул қилдим. У бунга лойиқ эди, Чемпионлар лигасини ютиб, ажойиб мавсум ўтказди ва мен у учун хурсандман. Мен эса втора равишда Копа трофейини (France Football талқини бўйича энг яхши ёш ўйинчи мукофоти) олдим.

– Бу кўпроқ ҳафсаланинг пир бўлиши эдими ёки ривожланишингиздаги мантиқий қадамми?

– Мен буни ютуқ деб ҳисоблайман. Мен 18 ёшимда иккинчи ўринни эгалладим. Бу менга ўзимдан ўзиб кетишимга ҳам ёрдам беради. Мен ҳар доим ғалаба қозонишни хоҳлайман ва биринчи ўринни эгалламаганим келаси йили биринчи бўлиб финишга етиш учун бор кучимни беришга ундайди, кейинги йили ҳам худди шундай ва яна... Мен буни ҳеч қачон ҳафсала пир бўлиши деб қабул қилмаганман.

– Сизнингча, тарози палласини Дембеле фойдасига нима оғдирди?

– Иккаламиз ҳам Чемпионлар лигасида ўйнадик, ярим финалгача етиб бордик ва у мусобақада ғолиб чиқди... Тажриба ҳам муҳим аҳамиятга эга. Мен бор-yoғи иккита «Олтин тўп» маросимида бўлганман, уни бунчалик тез ютиб олиш қийин бўларди. Лекин мен таъкидламоқчиманки, Усмон ажойиб мавсум ўтказди, — деди Ямаль.