Нидерландия футзал миллий терма жамоаси бош мураббийи Мигель Андрес Морено Ўзбекистон футбол федерацияси президенти Бекзод Маматқулов номига миннатдорлик мактубини йўллади.
Мурожаатда Ўзбекистон терма жамоасининг юқори савияси эътироф этилиб, Нидерландияга ташриф буюрилгани ҳамда ўтказилган икки ўртоқлик учрашуви учун самимий миннатдорлик билдирилган.
«Сизда жуда ажойиб ва кучли терма жамоа ҳамда маҳоратли футболчилар мавжуд», — дейилади мактубда.
Эслатиб ўтамиз, Нидерландия терма жамоаси кузда Жаҳон чемпионати саралаш баҳсларида иштирок этади. Ўзбекистон билан ўтказилган икки учрашув мезбонлар учун мазкур баҳслар олдидан муҳим синов вазифасини ўтади.
Ўзбекистон ва Нидерландия футзали ўртасидаги дўстона ҳамкорлик келгусида янги учрашувлар ва самарали лойиҳалар учун мустаҳкам замин бўлиши кутилмоқда.
