"Манчестер Юнайтед" расмий сайти орқали ноодатий сувенир сотувга чиқарилганини маълум қилди. Энди истаган мухлис "қизил иблислар"нинг уй стадиони – "Олд Траффорд" майсасидан бир бўлак сотиб олиши мумкин.

Клуб фан-шопида ушбу сувенирнинг нархи 125 фунт стерлинг қилиб белгиланган. Газоннинг бир қисми тупроғи билан бирга замонавий шаффоф шиша куб ичида сотилмоқда.

"Манчестер Юнайтед" янги Англия Премьер-лигаси мавсумини омадсиз бошлади. Манчестерликлар дастлабки бешта учрашувда бор-йўғи 5 очко тўплади ва ҳозир турнир жадвалида 12-ўринни эгаллаб турибди.

Олтинчи турда "МЮ" лигада сўнгги ўринда бораётган "Тоттенхэм"га қарши майдонга тушади.