"Манчестер Юнайтед" йиллик молиявий ҳисоботини эълон қилди. Унда Рубен Аморим ва унинг мураббийлар штаби аъзоларини истеъфога чиқариш клубга 9,5 миллион еврога тушгани маълум қилинди.
Аморим январь ойида "Манчестер Юнайтед" бош мураббийи лавозимидан озод этилган эди. Португалиялик мутахассис клубда бир йилдан сал кўпроқ ишлади.
Дастлаб Аморимга тўланиши керак бўлган товон пули 19,4 миллион евро миқдорида белгиланган эди. Бироқ унинг шартномасида, агар у бошқа клубдан иш топса, компенсация миқдори камайиши ҳақида банд мавжуд бўлган.
Ёзда Аморим "Милан" бош мураббийи этиб тайинланди ва бу "қизил иблислар"га анча маблағни тежаб қолиш имконини берди, деб хабар берди "Goal".
