Кеча Муборакнинг “Машъал” жамоаси аъзолари қисқа муддатли танаффусдан сўнг яна жамоа қароргоҳида тўпланишди ва навбатдаги икки ўйинга тайёргарликни бошлашди. Тақвимга кўра, “машъалчилар” биринчи лиганинг иккинчи босқичидан ўрин олган 11 ва 12-турларни Муборакда ўтказишади.
“Газчилар” 3 октябрь куни “Чуст-Пахтакор”ни қабул қилишса, 6 октябрда “Косонсой”га қарши тўп суришади. Айни пайтда турнир жадвалида “Машъал” 60 очко жамғарган ҳолда яққол пешқадамлик қилмоқда. Иккинчи ўринда бораётган “Андижон” ҳисобида эса 56 очко мавжуд.
“Машъал”нинг навбатдаги рақиби “Чуст-Пахтакор” эса 36 очко йиққан ҳолда 7-ўринни эгаллаб турган бўлса, “Косонсой” ҳисобида 28 очко бор ва бу жамоа 10-ўринда турибди.
