«Страсбург»нинг собиқ футболчиси Димитри Лиенар Франция чемпионатининг 5-туридан ўрин олган учрашувдан сўнг «Пари ФК» бош мураббийи Лиам Росеньорни танқид қилди.

Айни пайтда ушбу мутахассис бошқараётган «Пари ФК» «Страсбург»ни 2:0 ҳисобида мағлуб этди. Учрашув якунида Росеньор аввал ишлаган клуб мухлислари олдида ғалабани ҳис-туйғуларга берилган ҳолда нишонлади. Бироқ «Страсбург» ишқибозлари уни олқишлаш ўрнига ҳуштакбозлик билан кутиб олди. Кейинроқ англиялик мураббий «Страсбург»нинг айрим мухлислари унинг оиласига нисбатан ҳурматсизлик қилганини айтди.

Club Racing дастурида эксперт сифатида иштирок этаётган Лиенар Росеньорнинг «Страсбург» бошқарувидаги сўнгги учрашувларини ҳам ёдга олди.

"Учта мағлубият ва иккита дуранг. У январь ойида жамоани тарк этди ва ҳатто страсбургликларга раҳмат ҳам айтмади. Унга ҳайкал қўйишларини ўйлаганми? Қизил гилам тўшашларини кутганми? Шампан очишлариними?" — деди Лиенар.