«Ливерпуль»нинг собиқ футболчиси Эндрю Робертсон Юрген Клопп ва Арне Слотнинг иш услуби ўртасидаги фарқ ҳақида гапирди.

«Слот статистикага жуда катта эътибор берарди. У Рубен исмли мутахассисни iPad билан олиб келарди. Агар сен ҳатто меъёрдан ортиқ спринт қилсанг ҳам, Рубен бу ҳақда маълумот берарди. Улар футболчиларнинг юкламаси ва статистикасига жиддий қарайдиганди.

Тактика борасида эса Клопп доим: «Агар шу ишни қилсак, ҳеч ким биз билан тенглаша олмайди», деган фикрни сингдиришга ҳаракат қиларди. У рақибдан кўра, кўпроқ ўз ўйинимизга эътибор қаратарди.

Слот билан эса биз рақибни доим таҳлил қилардик. У: «Агар улар бундай қилса, биз мана бундай ҳаракат қиламиз», деб тушунтирарди.

Клопп эса ўз режасига содиқ қоларди. Унинг даврида биз деярли ўзгармасдик. Слот эса рақиб тактикасига қараб доим мослашарди», — деди Робертсон.

Ҳозирда «Ливерпуль»ни Андони Ираола бошқармоқда.