«Бенфика» «Порту»га 1:3 ҳисобида мағлуб бўлганидан сўнг Португалия футбол федерациясининг Интизом кенгашига шикоят қилди. Лиссабон клуби тўртта эпизод бўйича интизомий иш очишни талаб қилди.
«Бенфика» «Порту» стадионидаги хизмат ходимининг жамоа захира ўриндиғи томон ҳақоратомуз ишоралар қилганини, ярим ҳимоячи Габри Вейга эса захира ўриндиғи томон шиша идиш отганини таъкидлади.
Шунингдек, клуб «Драгау» стадионидаги мусиқа ва кўнгилочар дастурларни меҳмон мухлисларга нисбатан провокацион ва ҳурматсиз деб баҳолаб, стадион мутасаддиларига чора кўрилишини сўради.
