«Benfika» «Portu»ga 1:3 hisobida mag‘lub bo‘lganidan so‘ng Portugaliya futbol federasiyasining Intizom kengashiga shikoyat qildi. Lissabon klubi to‘rtta epizod bo‘yicha intizomiy ish ochishni talab qildi.
«Benfika» «Portu» stadionidagi xizmat xodimining jamoa zaxira o‘rindig‘i tomon haqoratomuz ishoralar qilganini, yarim himoyachi Gabri Veyga esa zaxira o‘rindig‘i tomon shisha idish otganini ta’kidladi.
Shuningdek, klub «Dragau» stadionidagi musiqa va ko‘ngilochar dasturlarni mehmon muxlislarga nisbatan provokasion va hurmatsiz deb baholab, stadion mutasaddilariga chora ko‘rilishini so‘radi.
