Франция терма жамоаси бош мураббийи Зинедин Зидан Миллатлар лигасида Туркияга қарши 25 сентябрь куни бўлиб ўтадиган ўйин олдидан «уч ранглилар» ҳужумчиси ва сардори Килиан Мбаппенинг ҳолати ҳақида маълумот берди. Аввалроқ RMC Sport нашри футболчининг гриппга ўхшаш аломатлар билан кечаётган касаллиги ҳақида хабар берганди.
«Мбаппе матбуот анжуманида иштирок этмаяптими? Мажбурий шарт — футболчи ва мураббийнинг иштирок этиши. Бугун бу вазифани Рабьо бажаради. Килиан ўзини яхши ҳис қиляпти, унда кичик муаммо бўлганди, аммо ҳеч қандай жиддий нарса йўқ. У эртага ўйнашга тайёр бўлади», — дея Зиданнинг сўзларини RMC Sport келтирди.
Франция терма жамоасининг Туркияга қарши учрашуви Измит шаҳридаги «Хўжаэли» стадионида бўлиб ўтади.
