«Ливерпуль» «Эвертон» ҳимоячиси Жерред Брэнтуэйтни диққат билан кузатиб бормоқда ва уни Виржил ван Дейкнинг ўрнини босадиган номзодлардан бири сифатида кўриб чиқмоқда. Бу ҳақда TEAMtalk хабар бермоқда.
Манбанинг маълумотига кўра, клуб 24 ёшли инглиз футболчисининг ўйин сифатларини юқори баҳоламоқда, аммо «Эвертон» билан келишиб олиш осон кечмайди.
«Ирискалар» Брэнтуэйтни муҳим ўйинчи деб ҳисоблашади ва уни сотиш ниятида эмас. Ҳимоячининг шартномаси 2030 йилгача мўлжалланган, шу сабабли фақат жуда катта таклифгина клубнинг позициясини ўзгартириши мумкин.
Transfermarkt портали баҳосига кўра, футболчининг бозор қиймати 40 миллион еврони ташкил этади.
