«Барселона» спорт директори Деку Мадриднинг «Реал» клуби бош мураббийи Жозе Моуриньо ҳақида нималар фикрлашини сўзлаб берди.

Португалиялик мутахассис жорий мавсум бошланиши олдидан «қаймоқранглилар» устозига айланди — у 13 йилдан сўнг яна клубга қайтди.

«Моуриньонинг қайтиши — лига учун ажойиб воқеа. Рақиб сифатида у вазифамизни мураккаблаштиради, аммо мен унинг учун хурсандман. Ўйлашимча, Жозе — тарихдаги энг яхши мураббийлардан бири. Энди у дунёнинг энг яхши клубларидан бири бўлмиш «Реал»да. Бу Испания чемпионати учун яхши. Бизни жиддий синов кутмоқда», — дейди ўз вақтида «Порту»да Моуриньо қўл остида ўйнаган Деку Barca Universal нашрига.

«Барселона» етти турдан сўнг 21 очко жамғариб, Ла Лига турнир жадвалида пешқадамлик қилмоқда, «Реал» эса 15 очко билан тўртинчи ўринни эгаллаб турибди.