«Барселона» спорт директори Деку клуб нима учун Габриэль Жезусни таркибга қўшиб олишга қарор қилганини сўзлаб берди.

Бразилиялик футболчи ёзги трансфер ойнаси ёпилиши арафасида Лондоннинг «Арсенал» клубидан «кўк-анорранглилар» сафига келиб қўшилган эди.

«Ёзда биз энг яхши ҳужумчиларимиздан бири — Роберт Левандовскини йўқотдик. У «Барселона» учун бор кучини берди, совринлар ютишимизга ёрдам берди, аммо ўзгаришлар вақти келди ва унинг ўзи ҳам муҳитни ўзгартиришни хоҳлади.

Ғоя шундан иборат эдики, майдонда фаол ҳаракат қиладиган ва жамоавий ўйинларда иштирок эта оладиган бошқача услубдаги форвард билан шартнома имзолашимиз керак эди. Альварес биз кўриб чиққан номзодлардан бири эди, аммо «Атлетико» уни сотмаслигини дарҳол билдирди. Жезус бошида режаларимизга кирмаганди — биз унинг вазиятидан хабардор эмасдик. Кейин, Хулианни сотиб олишнинг иложи йўқлигини тушунганимизда, Габриэль идеал ечимга айланди. Бизга айнан шундай хусусиятларга эга ўйинчи керак эди», — дейди Деку Barca Universal нашрига.

Габриэль Жезус Каталония клуби сафидаги тўртта ўйинда иккита гол урди.