«Barselona» sport direktori Deku klub nima uchun Gabriel Jezusni tarkibga qo‘shib olishga qaror qilganini so‘zlab berdi.

Braziliyalik futbolchi yozgi transfer oynasi yopilishi arafasida Londonning «Arsenal» klubidan «ko‘k-anorranglilar» safiga kelib qo‘shilgan edi.

«Yozda biz eng yaxshi hujumchilarimizdan biri — Robert Levandovskini yo‘qotdik. U «Barselona» uchun bor kuchini berdi, sovrinlar yutishimizga yordam berdi, ammo o‘zgarishlar vaqti keldi va uning o‘zi ham muhitni o‘zgartirishni xohladi.

G‘oya shundan iborat ediki, maydonda faol harakat qiladigan va jamoaviy o‘yinlarda ishtirok eta oladigan boshqacha uslubdagi forvard bilan shartnoma imzolashimiz kerak edi. Alvares biz ko‘rib chiqqan nomzodlardan biri edi, ammo «Atletiko» uni sotmasligini darhol bildirdi. Jezus boshida rejalarimizga kirmagandi — biz uning vaziyatidan xabardor emasdik. Keyin, Xulianni sotib olishning iloji yo‘qligini tushunganimizda, Gabriel ideal yechimga aylandi. Bizga aynan shunday xususiyatlarga ega o‘yinchi kerak edi», — deydi Deku Barca Universal nashriga.

Gabriel Jezus Kataloniya klubi safidagi to‘rtta o‘yinda ikkita gol urdi.