Испаниялик ярим ҳимоячи Даниель Себальос «Бетис»га қайтгани ҳақида ўз фикрларини билдириб ўтди.

«Мен улкан муваффақиятларга эришган клуб — «Бетис»га қайтмоқдаман. У мен тарк этган жамоага умуман ўхшамайди. Энди бу ҳар қандай жамоа билан рақобатлаша оладиган, ажойиб амбицияларга эга клуб ва энг муҳими, «Бетис»нинг сўнгги йиллардаги ўсиши шунчаки ҳайратланарли. Жамоадошларим, оилам, бобом ва бувимнинг ёнида, шу ерда эканимдан чин қалбдан бахтиёрман, бу мен учун ҳам жуда муҳим эди деб ўйлайман. Шунингдек, илгари айтиб ўтганимдек, севгилими ва икки қизимни бағримга босиб, жуда муҳим эмоционал барқарорликка эга бўлган ҳолда фаолиятимдаги энг яхши даврни бошимдан кечирмоқдаман. Ўйлашимча, бу ҳаётимдаги энг бахтли лаҳзалар ва энди буни майдонда кўрсатишим керак», — дейди Себальос Marca нашрига.

Дани Себальос жорий йилнинг сентябрь ойида эркин агент сифатида Мадриднинг «Реал» клубидан «Бетис»га қайтиб келди.