«Барселона» спорт директори Деку «Интер» форварди Лаутаро Мартинеснинг ўтган ёзда Каталония клубига трансфер қилинмагани сабабини тушунтириб берди.

«Футболчига ва клубга бўлган ҳурмат юзасидан шундай қилдик. «Интер» бизга унинг сотилмаслигини маълум қилиши билан, биз у билан бошқа боғланишга уринмадик. Биз тўғри ва имкон қадар очиқ-ошкора иш тутишга ҳаракат қиламиз. Баъзида матбуотда кўплаб тахминлар пайдо бўлади, аммо клублар асл вазият қандай бўлганини яхши билишади.

Лаутаро «Барселона» даражасидаги футболчими? Бу ҳақиқат. Лаутаро биз кўриб чиққан номзодлар орасида бор эди. «Барселона» президенти «Интер» раҳбарияти билан гаплашганида, улар унга футболчи сотилмаслигини айтишди. Ҳурмат юзасидан биз бошқа мулоқот қилмадик, ҳатто футболчининг ўзи ёки унинг агенти билан ҳам», — дейди Деку Sportitalia манбасига.