Испания юқори лигасига қайтган «Депортиво» мавсумни яхши бошлаган бўлса-да, жамоада жароҳатлар билан боғлиқ муаммолар кўпаймоқда.
Аввалроқ тажрибали ҳужумчи Пьер-Эмерик Обамеянг жароҳат олиб, тахминан икки ойга сафдан чиққан эди. Энди эса жамоанинг яна бир ҳужумчиси — нидерландиялик Закария Эддахшури ҳам соғлиғи билан боғлиқ муаммога дуч келди.
Маълум қилинишича, футболчи операция қилиниши керак. Бироқ жарроҳлик амалиёти оёғида эмас, қўлида ўтказилади. Шу боис унинг майдонга нисбатан тез қайтиши кутилмоқда.
Айни пайтда «Депортиво» Испания чемпионатида 7 турдан кейин 10 очко тўплаб, турнир жадвалида 7-ўринни эгаллаб турибди.
