Ispaniya yuqori ligasiga qaytgan «Deportivo» mavsumni yaxshi boshlagan bo‘lsa-da, jamoada jarohatlar bilan bog‘liq muammolar ko‘paymoqda.
Avvalroq tajribali hujumchi Pyer-Emerik Obameyang jarohat olib, taxminan ikki oyga safdan chiqqan edi. Endi esa jamoaning yana bir hujumchisi — niderlandiyalik Zakariya Eddaxshuri ham sog‘lig‘i bilan bog‘liq muammoga duch keldi.
Ma’lum qilinishicha, futbolchi operasiya qilinishi kerak. Biroq jarrohlik amaliyoti oyog‘ida emas, qo‘lida o‘tkaziladi. Shu bois uning maydonga nisbatan tez qaytishi kutilmoqda.
Ayni paytda «Deportivo» Ispaniya chempionatida 7 turdan keyin 10 ochko to‘plab, turnir jadvalida 7-o‘rinni egallab turibdi.
