«Реал»нинг бразилиялик ҳужумчиси Эндрик ҳамон «Арсенал» қизиқиш доирасида турибди.
Журналист Экрем Конур маълумотига кўра, Лондон клуби 20 ёшли футболчининг «Реал»даги вазиятини диққат билан кузатмоқда.
Эндрик Мадрид клубида етарлича ўйин амалиётига эга бўлмаётгани сабабли жамоани тарк этиши мумкин.
Агар «Арсенал» ҳужумчиси Виктор Дьёкереш клубдан кетса, Эндрик «канонирлар»нинг асосий трансфер мақсадларидан бирига айланиши айтилмоқда.
Бразилиялик футболчининг трансфер қиймати 40 миллион евро атрофида баҳоланмоқда. Унинг «Реал» билан амалдаги шартномаси 2030 йил июнь ойи охиригача мўлжалланган.
