«Барселона» спорт директори Деку клуб «Манчестер Юнайтед»нинг 15 ёшли иқтидорли футболчиси Жей-Жей Габриэлга қизиқмаётганини маълум қилди.

Аввалроқ ёш футболчи «Барселона», «Реал», «Бавария» ва Премьер-лиганинг бир қатор клублари билан боғланаётган эди.

Яқинда Габриэле Барселона шаҳрида Ламин Ямал билан бирга кўринди. Суратда у Ямалнинг фамилияси ва рақами туширилган «Барселона» футболкасини ушлаб турган эди.

«Йўқ, бу ерда айтадиган гап йўқ. Ёш футболчиларни бизнинг клуб билан боғлашлари одатий ҳолат. Аммо биз ҳозирги вазиятда турган футболчига қизиқмаяпмиз.

У ҳали ҳам «Манчестер Юнайтед» футболчиси ва биз бу жараёнда иштирок этмаяпмиз», — деди Деку.

Маълум қилинишича, Габриэл «Манчестер Юнайтед»га клубни тарк этиш истаги ҳақида Англия Лига кубогидаги «Брайтон»га қарши ўйиндан бир кун олдин хабар берган.

Агар у ўша баҳсда майдонга тушганида, «Манчестер Юнайтед» тарихидаги энг ёш футболчига айланиши мумкин эди. Шундан сўнг Габриэль асосий жамоа билан машғулотларда иштирок этмай қўйган.