«Милан» «Кальяри»нинг 2007 йилда туғилган сенегаллик ҳужумчиси Пол Мендига қизиқиш билдирмоқда. Италия клуби скаутлари сўнгги бир неча учрашувда 196 сантиметр бўйли футболчини диққат билан кузатган.

«Милан» скаутлари Мендининг жисмоний тайёргарлиги, техникаси ва тўпсиз ҳаракатларини юқори баҳолаган. Шу билан бирга, футболчига зарбаларни якунлаш борасида янада ўсиш зарурлиги қайд этилмоқда. «Милан» уни келаси мавсумдан бошлаб келажак учун инвестиция сифатида таркибга қўшиш имкониятини кўриб чиқмоқда.

Италиянинг бир қатор йирик клублари, жумладан «Интер» ҳам Мендига қизиқиш билдирган. «Милан» эса якуний қарор қабул қилишдан олдин уни мавсум давомида мунтазам кузатиб боришни режалаштирмоқда.