Туркиядаги 21 та компания реклама кампанияларида Муҳаммад Салоҳнинг исми ва тасвиридан фойдалангани учун ҳуқуқий эътирозларга дуч келди. Даъволарнинг умумий суммаси 900 минг евродан ортиқни ташкил этмоқда.
Олдинроқ «Трабзонспор» компаниялар ва дўконларни тегишли рухсатномаларсиз Салоҳнинг исмидан реклама ва тижорий акцияларда фойдаланишга йўл қўйилмаслиги ҳақида огоҳлантирган эди.
61saat хабарига кўра, огоҳлантиришга мисрлик футболчининг манфаатларини ҳимоя қилувчи Буюк Британия фирмасининг ҳуқуқий мурожаати сабаб бўлган. Баъзи тадбиркорлар аллақачон пешлавҳалар ва ижтимоий тармоқлардан Салоҳ тилга олинган рекламаларни олиб ташлашган, аммо бу уларни суд суриштирувларидан сақлаб қола олмади.
