Буюк Британия Бош вазири Энди Бернем Премьер-лига молиявий қоидаларини бузгани учун «Манчестер Сити»нинг титуллардан маҳрум этилиши мумкинлиги ҳақида ўз фикри билан ўртоқлашди.

25 сентябрь куни журналист Дэвид Орнштейн мустақил комиссия «Манчестер Сити»ни Премьер-лиганинг молиявий қоидаларини бузиш бўйича 115 та айбловдан 114 тасида айбдор деб топгани ҳақида хабар берди. Суриштирув клубнинг 2009 йилдан 2018 йилгача бўлган фаолиятини қамраб олган.

«Мен бу янгиликлардан эндигина хабар топдим ва ҳозирги босқичда булар шунчаки янгиликлар деб ҳисоблайман. Агар уларнинг ҳақиқийлиги тасдиқланса, албатта, мен мустақил қўмита ҳисоботи билан танишишни хоҳлайман. Одамлар ҳисобот билан танишишдан олдин «Манчестер Сити»ни чемпионлик титулидан маҳрум қилиш керак деган хулосага шошилмасликлари керак.
Бу клуб ва Премьер-лига ўртасидаги узоқ ва кутилмаган мунозараларга бой жараён бўлди, шунинг учун ҳаммаси шунчалик оддий деб ўйламайман. Ҳар бир инсон бирор бир хулоса чиқаришдан олдин мустақил қўмита ҳисоботини жуда батафсил ўрганиб чиқиши керак», — дея Бернемнинг сўзларини келтирмоқда MCI World.

2026/27 йилги мавсумда «Манчестер Сити» 5 та ўйинда 15 очко жамғарди ва Англия чемпионати турнир жадвалида биринчи ўринни эгаллаб турибди.