Аргентина терма жамоаси бош мураббийи Лионель Скалони миллий терма жамоа билан 2026 йил охирида тугайдиган шартномани узайтириш жараёнини бошлади. Бу ҳақда «альбиселесте» матбуот хизмати X ижтимоий тармоғида маълум қилди.
«Аргентина футбол ассоциацияси президенти Клаудио Тапиа ва мураббий Лионель Скалони ўртасида унинг Аргентина терма жамоаси бош мураббийи сифатидаги келишувини узайтириш бўйича музокаралар бошланди», — дейилади терма жамоанинг ижтимоий тармоқларида.
Шу билан бирга, Аргентина офисидаги музокаралар чоғида Тапиа ва Скалони тушган суратни намойиш этди.
Аввалроқ ОАВда 48 ёшли мутахассис «2+2» схемаси бўйича янги шартнома имзолаши хабар қилинганди: Америка кубогигача икки йил ва 2030 йилги жаҳон чемпионатигача яна икки йил.
Скалони Аргентина терма жамоасини 2018 йилнинг ёзидан бери бошқариб келмоқда. Унинг қўл остида «альбиселесте» 2022 йилги жаҳон чемпионати ва икки марта Америка кубогини қўлга киритди.
