Туркия терма жамоаси ярим ҳимоячиси Арда Гюлер УЕФА Миллатлар лигаси доирасида Францияга қарши учрашувдаги мағлубият ҳақида фикр билдирди.

УЕФА Миллатлар лигаси А лигаси 1-гуруҳ 1-турида Туркия ўз майдонида Францияга 0:1 ҳисобида мағлуб бўлди. Ягона голни 54-дақиқада Килиан Мбаппе киритди. Учрашувнинг 87-дақиқасида Туркия дарвозабони Чакир қизил карточка олди.

«Сўнгги натижаларимизни унутиб, ушбу ўйинга тайёрланиш учун қўлимиздан келган барча ишни қилдик. Дарҳақиқат, таркибимизда жароҳат олган футболчилар кўп эди, айрим футболчилар эса дисквалификация сабабли учрашувни ўтказиб юборишди. Шунга қарамай, бор кучимизни бердик ва қўлимиздан келган барча ишни қилдик, деб ҳисоблайман.

Биз ғалаба қозонишни жуда хоҳлагандик, шунинг учун ҳозир жуда хафамиз. Аммо олдинда ҳали муҳим ўйинлар бор. Уларда ғалаба қозона оламиз, деб умид қиламан», — деди Гюлер учрашувдан сўнг beIN SPORTS телеканалига берган интервьюсида.

Эслатиб ўтамиз, Франция Килиан Мбаппенинг голи эвазига 1:0 ҳисобида ғалаба қозонди.