"Барселона" ҳимоячиси Жерар Мартин каталонияликлар сафидаги 100-учрашуви арафасида ўз фикрлари билан ўртоқлашди.
"Албатта, "Барселона" сафида 100 та ўйин ўтказиш даражасига етиб келганим мени ҳайратлантиради. Дебют қилган пайтимда 100 та учрашувда майдонга тушишим ҳақида ҳатто ўйламаган эдим. Бу жуда узоқдек туюларди.
Шунингдек, чап қанот ҳимоячисидан марказий ҳимоячига айланганим ҳам мени ҳайрон қолдиради. Ўша пайтда бундай бўлишига ишонмаган бўлардим", — деди Мартин.
Жерар Мартин "Барселона"нинг асосий жамоасида 2024 йилдан буён тўп тепмоқда. Шу вақт ичида у барча мусобақаларда 99 та ўйин ўтказиб, 1 та гол урди ва 7 та голли узатмани амалга оширди.
Мартиннинг "Барселона" билан амалдаги шартномаси 2028 йил июнига қадар мўлжалланган.
