"Бавария" қанот ҳужумчиси Майкл Олисе ёзги трансфер ойнасида "Ливерпуль"га ўтиш имкониятини рад этган. Бу ҳақда TEAMtalk хабар берди.

Манбага кўра, мерсисайдликлар Олисе бўйича сўров юборган, аммо на "Бавария", на футболчининг ўзи музокара олиб боришни истаган.

Қайд этилишича, француз футболчиси Англияга қайтишни режалаштирмаяпти. Агар у келажакда "Бавария"ни тарк этса, фаолиятини Ла Лигада давом эттиришни хоҳлайди. "Реал" ва "Барселона" ҳам бу вазиятдан хабардор.

24 ёшли Олисе жорий мавсумда барча мусобақалар доирасида 7 та ўйинда майдонга тушиб, 8 та гол урди ва 4 та голли узатмани амалга оширди.

Transfermarkt маълумотига кўра, Олисенинг бозор қиймати 170 миллион еврони ташкил қилади.