"Bavariya" qanot hujumchisi Maykl Olise yozgi transfer oynasida "Liverpul"ga o‘tish imkoniyatini rad etgan. Bu haqda TEAMtalk xabar berdi.
Manbaga ko‘ra, mersisaydliklar Olise bo‘yicha so‘rov yuborgan, ammo na "Bavariya", na futbolchining o‘zi muzokara olib borishni istagan.
Qayd etilishicha, fransuz futbolchisi Angliyaga qaytishni rejalashtirmayapti. Agar u kelajakda "Bavariya"ni tark etsa, faoliyatini La Ligada davom ettirishni xohlaydi. "Real" va "Barselona" ham bu vaziyatdan xabardor.
24 yoshli Olise joriy mavsumda barcha musobaqalar doirasida 7 ta o‘yinda maydonga tushib, 8 ta gol urdi va 4 ta golli uzatmani amalga oshirdi.
Transfermarkt ma’lumotiga ko‘ra, Olisening bozor qiymati 170 million yevroni tashkil qiladi.
