Мадриднинг «Реал» клуби марказий ҳимоячи Антонио Рюдигер билан шартномани узайтиришни режалаштирмаяпти. Бу ҳақда MadridistaHoy хабар берди.

Манбага кўра, «Қироллик клуби» 33 ёшли футболчига янги келишув таклиф қилиш ниятида эмас. Бироқ ҳозирча бу маълумот клуб томонидан расман тасдиқланмаган.

Рюдигер 2022 йилдан буён «Реал» шарафини ҳимоя қилиб келмоқда. Унинг мадридликлар билан амалдаги шартномаси 2027 йил июнь ойида якунланади.

Жорий мавсумда немис ҳимоячиси Испания чемпионатида 3 та ўйинда майдонга тушиб, 1 та гол урди.

Transfermarkt маълумотига кўра, Рюдигернинг бозор қиймати 6 миллион еврони ташкил қилади.