«Ювентус» «Манчестер Сити» ярим ҳимоячиси Матео Ковачични ўз сафига қўшиб олиш вариантини кўриб чиқмоқда. Хорватиялик футболчининг Англия клуби билан амалдаги шартномаси келаси ёзда якунланади. Бу ҳақда La Gazzetta dello Sport хабар берди.
Манбага кўра, 32 ёшли Ковачичнинг «Манчестер Сити» билан шартномасини узайтириши эҳтимоли паст.
«Ювентус» раҳбарияти хорватиялик футболчида тажриба, техник маҳорат ва ғолиблик руҳини бирлаштирган муносиб вариантни кўрмоқда.
Ҳозирча томонлар ўртасида расмий музокаралар бошланмаган.
Жорий мавсумда Ковачич барча мусобақалар доирасида 5 та ўйинда майдонга тушди. Transfermarkt портали унинг бозор қийматини 10 миллион еврога баҳоламоқда.
