"Бавария" вингери Луис Диас жамоадоши Харри Кейнни 2026 йилги "Олтин тўп"ни қўлга киритиш учун асосий номзод деб ҳисобламоқда.

Диаснинг ўзи ҳам Германиядаги илк мавсумидан сўнг соврин учун номзодлар рўйхатига киритилди. Колумбиялик футболчи "Бавария" сафида барча мусобақалар доирасида 51 та ўйин ўтказиб, 26 та гол урди ва 19 та голли узатма амалга оширди.

"Унинг кўп гол уришини аввал ҳам билардим. Аммо ҳар куни ёнида бўлиб, машғулотларда қандай ишлашини ва ўйинга қандай муносабатда бўлишини кўргач, ундан янада кўпроқ ҳайратландим", — деди Диас ESPN'га.

"У ақлбовар қилмас футболчи. Уни қандай таърифлашни ҳам билмайман — ажойиб. Баъзан унга мос сўз топиш қийин.

Мен учун Кейн "Олтин тўп"ни ютиш учун асосий номзод. У совринни қўлга кирита олишига умид қиламан", — дея қўшимча қилди у.

Ўтган мавсумда Кейн "Бавария" сафида 51 та ўйинда 61 та гол урди. Шунингдек, у 2026 йилги жаҳон чемпионатида 6 та гол киритди.

"Бавария"дан Луис Диас ва Гарри Кейндан ташқари Майкл Олисе ҳамда Дайо Упамекано ҳам "Олтин тўп" номзодлари рўйхатига киритилган.