Килиан Мбаппе Франция терма жамоасининг Туркияга қарши ўйинида жароҳат олди.

Goal портали L’Equipe нашрига таяниб хабар беришича, Франция термасининг тиббий штаби Мбаппе жароҳатининг асосий сабаби сифатида Туркиядаги майдон ҳолатини кўрсатган.

Қайд этилишича, сифатсиз майдонда Мбаппе мувозанатни йўқотиб, тиззасини ноқулай ҳаракатлантирган ва шу ҳолат жароҳатга олиб келган.

Аввалроқ матбуотда бошқа тахмин ҳам тарқалган эди. Унга кўра, футболчининг жароҳати янги бутслар билан боғлиқ бўлиши мумкинлиги айтилган.

Яхши томони, Мбаппенинг жароҳати жуда жиддий эмас. Кутилишича, "Реал" ҳужумчиси бир неча ҳафта майдонга тушмайди.

Шу билан бирга, у "Барселона"га қарши "эль класико"да майдонга тушишга улгуриши мумкин.