Франция терма жамоаси бош мураббийи Зинедин Зидан бельгиялик собиқ футболчи Эден Азар ҳақида фикр билдирди.
Бугун Франция Миллатлар лигаси доирасида сафарда Бельгияга қарши майдонга тушади. Учрашув арафасида журналистлар Зидандан у Мадриднинг «Реал» клубида бирга ишлаган Азар ҳақида сўрашди.
«Афсуски, жисмоний муаммолар сабаб Азар «Реал»га ўзи истаган даражада фойда бера олмади. Шунга қарамай, у билан бирга ишлаган давримдан яхши хотиралар қолган.
Эден билан анча яқинмиз. У ажойиб инсон ва футболчи. Афсуски, у «Челси»даги каби ўзини кўрсата олмади», — деди Зидан матбуот анжуманида.
Эден Азар 2019 йилдан 2023 йилгача «Реал» сафида тўп тепган, шундан сўнг футболчилик фаолиятини якунлаган. Ҳозир собиқ вингер 35 ёшда.
