Fransiya terma jamoasi bosh murabbiyi Zinedin Zidan belgiyalik sobiq futbolchi Eden Azar haqida fikr bildirdi.

Bugun Fransiya Millatlar ligasi doirasida safarda Belgiyaga qarshi maydonga tushadi. Uchrashuv arafasida jurnalistlar Zidandan u Madridning «Real» klubida birga ishlagan Azar haqida so‘rashdi.

«Afsuski, jismoniy muammolar sabab Azar «Real»ga o‘zi istagan darajada foyda bera olmadi. Shunga qaramay, u bilan birga ishlagan davrimdan yaxshi xotiralar qolgan.

Eden bilan ancha yaqinmiz. U ajoyib inson va futbolchi. Afsuski, u «Chelsi»dagi kabi o‘zini ko‘rsata olmadi», — dedi Zidan matbuot anjumanida.

Eden Azar 2019 yildan 2023 yilgacha «Real» safida to‘p tepgan, shundan so‘ng futbolchilik faoliyatini yakunlagan. Hozir sobiq vinger 35 yoshda.