«Интер Майами» ҳужумчиси Лионель Месси МЛС доирасида «Коламбус»га қарши 1:2 ҳисобида якунланган учрашувда жарима зарбасидан гол урди.
39 ёшли аргентиналик футболчи чемпионатдаги голли сериясини 3 та ўйинга етказди. У шу оралиқда 3 та гол урган.
Жорий МЛС мавсумида бу Мессининг 24 та ўйиндаги 21-голи бўлди. Шу тариқа у тўпурарлар пойгасидаги пешқадамлигини янада мустаҳкамлади.
Иккинчи ўринда «Даллас» ҳужумчиси Петар Муса бормоқда. Хорватиялик футболчи 23 та учрашувда 18 та гол урган.
Шунингдек, Месси натижадорлик сериясини 9 та ўйинга етказди. У ушбу оралиқда 9 та гол урди ва 4 та голли узатмани амалга оширди.
Умуман олганда, Мессининг жорий МЛС мавсумидаги ҳисоби 24 та ўйинда 21 та гол ва 11 та голли узатмадан иборат.
