«Inter Mayami» hujumchisi Lionel Messi MLS doirasida «Kolambus»ga qarshi 1:2 hisobida yakunlangan uchrashuvda jarima zarbasidan gol urdi.

39 yoshli argentinalik futbolchi chempionatdagi golli seriyasini 3 ta o‘yinga yetkazdi. U shu oraliqda 3 ta gol urgan.

Joriy MLS mavsumida bu Messining 24 ta o‘yindagi 21-goli bo‘ldi. Shu tariqa u to‘purarlar poygasidagi peshqadamligini yanada mustahkamladi.

Ikkinchi o‘rinda «Dallas» hujumchisi Petar Musa bormoqda. Xorvatiyalik futbolchi 23 ta uchrashuvda 18 ta gol urgan.

Shuningdek, Messi natijadorlik seriyasini 9 ta o‘yinga yetkazdi. U ushbu oraliqda 9 ta gol urdi va 4 ta golli uzatmani amalga oshirdi.

Umuman olganda, Messining joriy MLS mavsumidagi hisobi 24 ta o‘yinda 21 ta gol va 11 ta golli uzatmadan iborat.