«Манчестер Сити» ва Норвегия терма жамоаси ҳужумчиси Эрлинг Холанд европалик футболчилар орасида сўнгги бор 1974 йилда қайд этилган ноёб натижани такрорлади.

Stats Foot статистик портали маълумотига кўра, Холанд миллий терма жамоадаги дастлабки 57 та учрашувида 65 та гол урган биринчи европалик футболчи бўлди. Бунгача худди шундай натижани 1974 йилда Германия терма жамоаси сафида Герд Мюллер қайд этган — у ҳам дастлабки 57 ўйинида 65 та гол урган.

Холанд Миллатлар лигаси гуруҳ босқичи 2-турида Португалияга қарши ўйинда ҳам гол урди. Учрашув Португалиянинг 2:1 ҳисобидаги ғалабаси билан якунланди.

Миллатлар лигаси 1-турида Португалия Уэльсни 1:0 ҳисобида мағлуб этган, Норвегия эса Дания устидан 3:2 ҳисобида ғалаба қозонган эди. Ўша баҳсда Холанд дубль қайд этган.