«Рома»га тегишли бўлган франциялик ярим ҳимоячи Ману Коне келажакда клубини ўзгартириши мумкин.
Журналист Экрем Конур хабарига кўра, Рим клуби раҳбарияти 25 ёшли хавбекнинг трансфери учун тахминан 100 миллион евро талаб қилади. Илгари матбуотда франциялик футболчига «Ливерпуль» ва Лондоннинг «Челси» клублари томонидан қизиқиш борлиги ҳақида хабар берилган эди.
Серия Анинг жорий мавсумида Ману бешта учрашувда майдонга тушди. Ярим ҳимоячи иккита гол урди ва битта сариқ карточка олди.
Коненинг «бўрилар» билан шартномавий мажбуриятлари 2029 йилнинг июнь ойи охиригача амал қилади. Transfermarkt франциялик футболчининг қийматини 60 миллион еврога баҳоламоқда.
