«Roma»ga tegishli bo‘lgan fransiyalik yarim himoyachi Manu Kone kelajakda klubini o‘zgartirishi mumkin.

Jurnalist Ekrem Konur xabariga ko‘ra, Rim klubi rahbariyati 25 yoshli xavbekning transferi uchun taxminan 100 million yevro talab qiladi. Ilgari matbuotda fransiyalik futbolchiga «Liverpul» va Londonning «Chelsi» klublari tomonidan qiziqish borligi haqida xabar berilgan edi.

Seriya Aning joriy mavsumida Manu beshta uchrashuvda maydonga tushdi. Yarim himoyachi ikkita gol urdi va bitta sariq kartochka oldi.

Konening «bo‘rilar» bilan shartnomaviy majburiyatlari 2029 yilning iyun oyi oxirigacha amal qiladi. Transfermarkt fransiyalik futbolchining qiymatini 60 million yevroga baholamoqda.