Нидерландия терма жамоаси қанот ҳужумчиси Коди Гакпо УЕФА Миллатлар лигасида Сербияга қарши ўтган сўнгги учрашувда жароҳат олди. «Ливерпуль» футболчиси биринчи бўлим ўрталарида мажбуран майдонни тарк этди.

Нидерландия терма жамоаси матбуот хизмати ижтимоий тармоқларда маълум қилишича, 27 ёшли вингер халқаро танаффус доирасида Греция ва Сербияга қарши қолган учрашувларда жамоага ёрдам бера олмайди.

Яқин вақт ичида Гакпо «Ливерпуль» ихтиёрига қайтиб, тикланиш жараёнини клубда давом эттиради.

Жорий мавсумда ҳужумчи «Ливерпуль» сафида 6 та ўйин ўтказиб, 2 та гол урди ва 4 та голли узатмани амалга оширди.