Исроил ва Ирландия терма жамоалари ўртасидаги ўйин атрофидаги кескинлик ҳамон давом этмоқда. Аввалроқ хабар қилинганидек, Ирландия томони Исроилнинг Фаластинда олиб бораётган ҳарбий ҳаракатлари сабабли бу рақибга қарши ўйнашни узоқ вақт истамаган эди.
Исроил терма жамоаси сардори Манор Соломон вазиятга муносабат билдириб, шундай деди:
«Улар мадҳия вақтида нима қилгани менга барибир. Бизнинг мамлакат уларникидан ўн баробар яхшироқ — кучлироқ, буюк мамлакат ва ажойиб инсонларга эга. Улар терма жамоа либосини ғурур билан кийишади ва исроиллик эканидан фахрланишади.
Биз аскарларимиз билан фахрланамиз — уларнинг қўлидан ҳамма нарса келади. Биз исроилликмиз, ўз Ватанимизни севамиз ва энг асосийси — ғалаба», — дея Соломоннинг сўзларини derbyderbyderby.it нашри келтиради.
Футбол нуқтаи назаридан эса учрашув Ирландиянинг 3:0 ҳисобидаги ишончли ғалабаси билан якунланди.
