Франция терма жамоаси марказий ҳимоячиси Жереми Жаке миллий жамоадаги дебют ўйинидан унчалик қониқмаганини тан олди.
21 ёшли «Ливерпуль» футболчиси Миллатлар лигаси доирасида Бельгияга қарши сафар учрашувида Франция терма жамоаси сафида илк бор майдонга тушди. Баҳс французларнинг 1:0 ҳисобидаги ғалабаси билан якунланди.
«Ўз ўйинимдан қониқдимми? Йўқ. Ҳужум босқичидаги икки-учта вазият ёдимга тушяпти, ўша пайтларда анча яхшироқ пас беришим мумкин эди.
Асосий таркиб футболчисига айланаманми-йўқми, бу ҳақида ўйламаяпман. Воқеаларни шоширмайман. Менга ишонишяпти, кўрсатмалар беришяпти — мен эса уларни бажаришга ҳаракат қиляпман. Осмонда учиб юрганим йўқ», — деди Жаке TF1 билан суҳбатда.
Жума куни Зинедин Зидан жамоаси ўз майдонида Италия терма жамоасига қарши баҳс олиб боради.
