«Ливерпуль» марказий ҳимоячиси Жереми Жаке Франция терма жамоасидаги дебют ўйинидан сўнг интервью берди.

21 ёшли футболчи Миллатлар лигасида Бельгияга қарши учрашувда «уч ранглилар»нинг 1:0 ҳисобидаги ғалабасига ҳисса қўшди ва майдонда тўлиқ 90 дақиқа ҳаракат қилди.

«Ўйиндан икки кун олдин Зидан менга майдонга тушишимни айтди. У барча футболчилар билан жуда яқин муносабатда.

Мураббий ҳар кимга ўзини кўрсатиш имконини беришга ҳаракат қилади. У терма жамоада ўйнаш тажрибаси кам бўлган ёш футболчиларни майдонга туширишдан қўрқмайди. Шу билан бирга, маълумотларни доимо хотиржам тарзда етказади ва ҳар биримиз билан алоқани сақлаб туради», — деди Жаке TF1 билан суҳбатда.

2 октябрь, жума куни Франция терма жамоаси ўз майдонида Италияни қабул қилади.