Португалия терма жамоаси Миллатлар лигаси доирасида Норвегияни мағлуб этди. Ушбу учрашув «Барселона» футболчиси Жоау Канселу учун миллий жамоа сафидаги 75-ўйин бўлди.
Бу кўрсаткич Португалия терма жамоаси тарихида 24-натижа ҳисобланади.
Канселу миллий жамоада 2016 йил кузида — Португалия ўз тарихида илк бор Европа чемпиони бўлганидан кўп ўтмай дебют қилган эди.
У Португалия терма жамоаси сафида 12 та гол урган ва жамоадошларига 8 марта голли узатма берган.
Португалия терма жамоаси Миллатлар лигасидаги навбатдаги учрашувини пайшанба куни Данияга қарши ўтказади.













