Portugaliya terma jamoasi Millatlar ligasi doirasida Norvegiyani mag‘lub etdi. Ushbu uchrashuv «Barselona» futbolchisi Joau Kanselu uchun milliy jamoa safidagi 75-o‘yin bo‘ldi.
Bu ko‘rsatkich Portugaliya terma jamoasi tarixida 24-natija hisoblanadi.
Kanselu milliy jamoada 2016 yil kuzida — Portugaliya o‘z tarixida ilk bor Yevropa chempioni bo‘lganidan ko‘p o‘tmay debyut qilgan edi.
U Portugaliya terma jamoasi safida 12 ta gol urgan va jamoadoshlariga 8 marta golli uzatma bergan.
Portugaliya terma jamoasi Millatlar ligasidagi navbatdagi uchrashuvini payshanba kuni Daniyaga qarshi o‘tkazadi.
