«Барселона» ҳимоячиси Эрик Гарсия терма жамоа йиғинида жароҳат олган эди. Футболчи тез орада сафга қайтиши кутилмоқда.
25 ёшли футболчи шанба куни «Уэмбли» стадионида бўлиб ўтган Миллатлар лигасининг Англияга қарши учрашуви олдидан ўтказилган қизишиш машғулотида жароҳат олган.
«Кўк-анорранглилар» вакили Испания терма жамоаси қароргоҳини тарк этиб, Барселонага қайтиб келган. Бироқ унинг жароҳати жиддий эмаслиги маълум бўлди.
Catalunya Radio маълумотига кўра, Гарсия ҳозирча оғриқ ҳис қилмоқда, аммо тез орада тўлиқ машғулотларга қайтиши мумкин. Шунингдек, у 10 октябрь куни Ла Лиганинг навбатдаги турида «Хетафе»га қарши баҳсда иштирок этиши мумкин.
Эрик Гарсиянинг Испания терма жамоасидаги ўрнини Мадриднинг «Атлетико» клуби ҳимоячиси Робен Ле Норман эгаллади.
